Mitanyag ang National Bureau of Investigation (NBI) ug P50,000 reward sa bisan unsang inpormasyon nga mupadulong sa nahimutangan ni Alice Leal Guo nga adunay address sa Quezon City.
Sa listahan sa clearance sa NBI, nakita ang duha ka babaye nga adunay pangalang Alice Leal Guo kung diin ang usa ang nagagikan sa Bamban, Tarlac ug ang usa ang nagagikan sa Quezon City.
Samtang gisuspinde ang Bamban, Tarlac Mayor Alice Guo sa mga pagdungog sa komite sa Senado, wala pa gihapon migawas ang Alice Leal Guo gikan sa Quezon City.
Gipahayag ni NBI director Jaime Santiago nga mamahimong adunay nagmando sa babae nga mokuha ug NBI clearance ginamit ang pangalang Alice Leal Guo nga adunay petsa sa pag-anak nidtong Hulyo 12, 1986 ug lugar sa gipanganakan sa Tarlac.
Wala pa gihapoy nasayran nga link tali sa duha ka Alice Leal Guo apan nagtuo si Senator Risa Hontiveros nga mamahimong gikuha sa Mayor sa Bamban ang pangalan sa Alice Leal Guo gikan sa Quezon City.
Nasayran sa NBI nga ang lokal nga opisyal sa Bamban ug usa ka Chinese passport holder nga si Guo Hua Ping, ang adunay susamang fingerprint nga nagpaila nga sila ang usa ka tawo lamang.
Pabalik-balik nga gisulti ni Guo nga usa siya ka Pilipino taliwala sa mga pangutana sa pagkatawo niini.
