DAVAO CITY – Aduna nay istriktong implementasyon alang sa bag-ong Revised Comprehensive Liqour Code sa dakbayan sa Dabaw. Sumala pa ni Honorable Luna Acosta, Councilor sa 1st District ning dakbayan nga og kadudahan ang edad sa usa ka mamalitay kinahanglan na gayud nga pangayuan kini og Identification Card kon ID alang masiguro nga dili kini menor de edad.
Kini matud pa subay sa ilahang mga nadawatang reports nga adunay pipila ka mga establishimento nga gabaligya og ilimnong makahubog ngadto sa mga menor de edad.
Nag-awhag usab ang lokal nga panggamhanan ngadto sa mga establishimento nga magbutang sa ilahang entrance og karatula nga dili gayud pwede mopalit ang mga kabataan.
Pagpaklaro usab ni Councilor Acosta nga anaa gihapon ang Liqour Ban sa dakbayan alang sa pagbaligya og ilimnong makahubog og pagserve niini.
Alang sa mga establishimentong nagabaligya, kinahanglan gihapong tumanon ang Liqour ban nga gikan ala-una sa kadlawon hangtod alas otso sa buntag.
Samtang bawal usab mag-serve o magpa-inom sulod sa usa ka establishimento gikan ala sa kadlawon hangtod alas dos sa hapon, buot pasabot niini nga bawal ang day drinking.
Aduna usab bag-ong probisyon diin ang mga establishimentong duol sa eskwelahan ug ospital ang aduna silay ginatawag nga “Special Time”.
Sa maong speacial time, ang mga establishimento nga adunay gilay-on sa eskwelahan og ospital nga 50 metros, ang dili pwede nga magserve og ilimnon gikan ala una sa kadlawon hangtod alas sais sa gabie.
Mahitungod kining mga orasa, aduna pay mga bata nga gikan sa eskwelahan og aron masiguro usab nga wala gayuy menor de edad ang posibling mahatagan og ilimnong makahubog.
Aduna usab exemption alang sa mga Tourism Accredited Accomodation Estbalishment, diin tugutan silang magserve og ilimnong makahubog apan sa sulod lamang sa ilahang area ug kinahanglan nilang siguraduhon nga dili makagawas sa maong estbalishimento ang ilimnong na serve ngadto sa customer.
Dugang pa ni Acosta nga mas dako gayud ang silot sa mga masakpang gabaligya o ga-serve og ilimnon ngadto sa mga menor de edad diin mokabat kini ug P5,000 o singko mil pesos ug pagkabilaggo sulod sa usa ka tuig.
via || Bombo DMA
