DAVAO DEL NORTE- Gipaabot na lamang karon ang resulta sa Davao del Norte Police Provincial Office sa gilusad nga imbestigasyon pinaagi sa RIAS XI Mahitungod sa pagkamatay ni R-Jay Cahilog sulod sa usa ka Boardinghouse sa dakbayan sa Tagum.
Sumala ni Col. Alexander Serrano ang Provincial Director nga hulaton niini ang resulta sa imbistigasyon ayha kini mohimo ug sunod nga lakang kabahin sa nasampit nga panghitabo.
Una ng giila sa opisyal ang pulis nga nakapusil sa lalaking biktima nga si Arjay Cahilog nga niadtong tungura sumala pa sa mga nakasaksi nga igo lamang matud pa kini sa pagtabang sa nahitabong pagpanunggab sa Talisay Zafra, Magugpo East, Tagum City sa nakalabay nga semana mikutlo sa kinabuhi sa duha ka mga babae ug usa nga sumala pa’ Mistaken Identity ug ang usa ka suspek.
Gibutyag sa opisyal ang pangalan sa usa ka pulis nga nakapusil patay nga mao si PSSG. Ritchel Ybañez, nga gikan sa Tagum PNP nga sa karon nagpabilin gihapon nga gawasnon.
Sumala pa ni Serrano nga armado ug sundang matud pa ang biktima nga maoy hinungdan sa pagpusil niini.
Gipklaro niini nga walay katuyuan ng nasampit nga pulis nga iyaha kining patyon sumala pa, apan gumikan matud pa sa paghupo sa biktima naigo na hinuon kini sa usa sa mga vital parts sa iyahang kalawasan nga tiil lamang unta ang punteryahon nga hinungdan sa iyahang kamatayon.
Sa karon gipahigayon na usab ang parallel investigation sa National Bureau of Investigation Eleven aron nga masuta ang tinuod nga nahitabo.
Ipailawom usab sa otopsiya ang patay nga lawas sa biktima nga kasamtangan nga gihaya karong panahuna.
