DAVAO CITY – Gikalipay ni PBGEN FILMORE B ESCOBAL, RD, PRO 11 ang nahimong resulta sa gipahigayon nga surprise drug test sa 70 ka mga Police Commissioned Officers ug uban pang sakop sa kapulisan diin susama nga nag-negatibo ang resulta sa mga nahisgutan.
Ang maong drug test activity gimando ni PBGEN ESCOBAL aron masubay kung wala nalambigit ang mga police officers sa paggamit ug illegal drugs ingon man mas mapalig-on ang pagpaningkamut sa Police Regional Office (PRO) aron nga matapos na ang suliran sa ginadili nga druga, paggamit ug pagpamaligya niini dinhi sa rehiyon.
Pagpamatuod lamang sumala pa kini nga amg mga PULIS DABAWENYO hugtanon nga gidumala sa ilang mga drug-free officers ug makapaawhag pa sa mga nahisgutan sa ilang ipahigayon nga mga drive operations aron nga gukdon kadtong mga nalambigit niini.
Gipasalig sab ni PBGEN ESCOBAL nga ipadayon nila ang pagmonitor ug pagsubay sa ilang mga miyembro sa PRO batok sa bisan unsa man nga mga isyu ug concerns.
Kini aron masiguro nga ang mga illegal drugs clearing activities dili lamang ginapahigayon sa komunidad kung dili lakip na sab sa mga sakop sa PRO 11 isip kabahin sa ilang internal cleansing program.
