DAVAO CITY – Pasakahan ug kaso sa lokal nga kagamhanan sa dakbayan sa dabaw ang tag-iya sa Supladoz resto bar gumikan sa illegal nga pag-operate nga walay business permit ug s apagsupak sa covid 19 protocols sama sa pagpatuman sa minimum public health standards (MPHS) ug Safe DQR scanning sa mga kliyente niini nga mosulod sa establishment.
Gikanayon ni Davao COVID-19 Task Force Spokesperson Dr. Michelle Schlosser, subay sa initial nga imbestigastyon sa kapulisan, napamatud-an nga walay business permit to operate ang supladoz ug labaw sa tanan wala mituman ang management sa MPHS implementation sulod sa ilang establishment.
Dugang pa ni Schlosser, walay silay nakuha nga record sa establismaneot nga naay nisulod pamatuod nga mihimo ug scan-in ug scan out sa DQR alang sa ilang kliyente.
Niadtong milabay nga adlaw, mipagawas na usab sumala ang Business Bureau ug cease and desist order alang sa temporaryong paghunong sa ilang operasyon.
Gawas niini, nagpadayon pa usab sumala pa karon ang dugang imbestigasyon sa city legal office batok sa maong establisamento.
Kahinumduman nga gi-isyuhan na sa kapulisan ug citation ticket ang SUpladoz gumikan sa pagsupak sa minimum public health standards.
