DAVAO CITY – Gipangita na karon sa mga kapulisan sa Toril ang gikanayong suspek nga responsable sa pagpananom og marijuana sa Tagurano Toril ning siyudad.
Kahinumduman nga nakasibat ang suspek nga nailang si Sherwin Manayon dihang nakamatikod kini nga adunay mga otoridad nga misaka sa lugar aron nga isilbi unta kaniya ang warrant of arrest tungod sa kalapasan sa Republic Act 9165 kun Comprehensive Dangerous Drugs Act of 2002.
Bugtong lima ka mga punoan sa marijuana ang naabtan sa Toril PNP sa lugar sa pagpanguna sa ilang commander nga si Pol. Lt. Col. Jed Clamor.
Mapasalamaton sab si Clamor sa Barangay kapitan sa nahisgutan nga lugar gumikan kay mitabang kini aron nga masulod ang lugar nga nahimutang sa hilit nga bahin sa nahisgutan nga barangay.
Gikanayong paspas nga nakasibat ang suspek gumikan kay sweto na kini sa maong dapit.
