Gipaningkamotan na sa Department of Migrant Workers (DMW) ang repatriation sa lawas sa namatay nga Pinay caregiver sa Israel nga si Mary Ann Velazquez de Vera, human siya maigo sa shrapnel gikan sa Iranian strike sa Israel niadtong weekend.
Sumala kang Hans Leo Cacdac, kalihim sa DMW, nakiglambigit na ang iyahang opisina uban sa Embahada sa Pilipinas sa Tel Aviv sa nasud sa namatay nga Pinay caregiver, nga anaa usab sa Israel, aron mapauli ang lawas niini.
Gipasalig usab sa kalihim nga maghatag og pinansyal nga tabang ang action fund sa gobyerno sa bana sa Pinay caregiver.
Dugang pa niini, maghatag usab og ekstra nga tabang ang Overseas Workers Welfare Administration (OWWA) alang sa lubong sa namatay nga OFW.
Gihangyo sa DMW chief ang mga Pilipino nga nagpuyo sa Israel nga magpabilin sa ilang mga balay o trabahoan ug likayan una ang paggawas karonng panahuna.
Gisiguro usab sa kalihim nga adunay nakaandam nga contingency plan ang gobyerno kung kinahanglanon ang pagpauli sa mga OFW, apan nagdepende gihapon kini sa availability sa flights ug sa pag-abli sa airspace sa mga nasud sa Middle East nga apektado sa giyera.
