Gibatikos ni Manila 2nd District Representative Rolando Valeriano si kanhi Pangulo Rodrigo Duterte, diin gitawag kining usa sumala pa ka salot sa katilingban.
Nasulti kini ni Valeriano, human sa nahimong pagdungog kang FPRRD sa Senado niadtong adlawong Lunes, labot sa pag-angkon matud pa sa tanang legal nga responsibilidad, kabahin sa gikaingong daghanang mga nangamatay nga mga drug suspects, samtang ginapatuman pa ang gyera batok iligal nga droga kaniadto.
Sumala pa ni Valeriano nga pabida matud pa si Duterte gumikan aron matawag matud pa kining bayani sa kadaghanan, pinaagi lamang sa pag-angkon sa tibuok responsibilidad, diin mamahimong maluwas matud pa sa tanang mga kaso ang mga pulis nga nalambigit kaniadto sa drug war.
Dugang pa sa maong Representante nga dili matud pa Diyos si Duterte ug labaw sa tanan dili sab kini balaud.
