Buot karon ni Surigao del Sur Rep. Johnny Pimentel nga ilakip sa mahimong rekomendasyon sa House Quad Committee ang pagpasaka ug kasong murder batok nila retired police colonel ug kanhing Philippine Charity Sweepstakes Office (PCSO) general manager Royina Garma ug National Police Commission Commissioner retired police colonel Edilberto Leonardo.
Kini human sa pagtudlo kanila sa mga testigo nga Garma ug Leonardo ang anaa sa likod sa pagpatay kang kanhing PCSO board secretary Wesley Barayuga niadtong Hulyo 30, 2020.
Giuyunan sab kini ni Surigao del Norte Representative Robert Ace Barbers nga maoy overall chairman sa Quad Comm.
Gikanayon ni Pimentel nga tataw sumala pa nga si Garma ang anaa sa likod sa mga pagpatay nga nahitabo ilawom sa war on drugs kalakip na niini ang pagpatay sa tulo ka mga chinese drug lords nga nabilanggo sa Davao prison niadtong 2016.
Samtang anaa sa 198 sab ang sumala pa gipamatay sa Cebu human nga milingkod kini nga City Director.
