Gisiguro sa kasamtangang Ombudsman nga si Jesus Crispin “Boying” Remulla nga iyang pagatun-an ang reklamong gisang-at ni kanhi Senador Antonio Trillanes IV sa ilang buhatan.
Matod ni Ombudsman Remulla, susihon ug moagi sa evaluation ang maong reklamo diin himuon ang fact-finding investigation.
Kung makita nga gikinahanglan, posible usab nga magsugod og preliminary investigation ang panel of prosecutors sa Ombudsman.
Ang reklamo ni Trillanes naglakip sa mga paglapas sa Plunder Law (RA 7080), Anti-Graft and Corrupt Practices Act (RA 3019), ug Code of Conduct for Public Officials (RA 6713).
Giakusahan ni Trillanes sila Sen. Bong Go ug kanhi Presidente Rodrigo Duterte nga nalambigit sa pagpabor sa usa ka kumpanyang gipanag-iyahan sa amahan ni Sen. Go, nga nakadawat og proyekto nga nagkantidad og 7 bilyon pesos sa mga infrastructure project atol sa administrasyon ni Duterte.
Sumala pa pa ni Trillanes nga usa ka conflict of interest ang gibuhat sumala pa ni Sen.Go.
Aminado si Remulla nga wala siya’y higayon makita ang maong reklamo kaniadto samtang nagsilbi pa siya isip Secretary sa Department of Justice (DOJ).
Si Trillanes usab mipasabot nga giduso niya ang reklamo sa DOJ tungod sa iyang pagsalig nga mosugod ang case build-up sa ilang gisang-at nga plunder complaints.
Apan gipadayag niya ang kabalaka nga wala kini gihatagan og aksyon human madala sa Ombudsman.Sa laing bahin, gibutyag ni Ombudsman Remulla nga dili siya mosulti og konklusyon sa nahitabo sa kaso.
Samtang gibutyag usab ni Sen. Go, nga angay sumala pa nga kasuhan ni Trillanes ang mga financer niini nga sumala pa nagpahigayon og pangdaot kaniya ug ni kanhing Pang. Duterte.
Dugang pa ni Go nga dili siya kawatan ug duna sumala pa siyay delikadesa.
