DAVAO CITY – Natapos na ang rehabilitasyon sa lubnganan sa mga ginikanan ni Pangulong Rodrigo Duterte kini isip kabahin sa nagsingabot nga paghinumdom sa adlaw sa mga santos ug mga patay.
Hinuon sa kasamtangan wala pay namatikdan ang caretaker nga sila Fredo Rivera nga aduna nay mibisita sa first family sa mga mosuleyo sa ginikanan ni Pangulong Duterte nga sila si Soledad ug kanhi Gobernador nga si Vicente Duterte.
Nauna ng gibutyag ni Mayor Inday Sara Duterte-Carpio nga posibleng karong adlawa siya nga mobisita aron nga malikayan ang bagang duot sa katawhan ug trapiko sanglit sagad nga modagsa ang mga mobisita sa sementeryo sa adlaw nga biyernes ug Sabado.
Sa kasamtangan, andam na ang Roman Catholic cemetery nga usa sa pinakadakong pampublikong sementeryo sa dakbayan alang sa pagdagsa sa mga tawo.
Bugtong hangyo lamang sa pamunoan nga imentina ang kalimpiyo palibot sa sementeryo ug ilabay ug tarong ang mga basura.
