DAVAO CITY – Gibutyag ni Pangulong Rodrigo Duterte nga katapusan na matud pa ang Francisco Bangoy International Airport (Davao Airport) sa ipahigayon nga rehabilitasyon ug pag-upgrade.
Kahinumduman nga usa kini sa mga nahisgutan kagahapong adlawa sa Pangulo atol sa iyang state of the nation address (Sona).
Hinuon wala na mihatag ug dugang pahayag kalabot niini ang Pangulo.
Apan una ng gibutyag ni Davao City Tourism Operations Office head Generose Tecson nga wala sumala pay angayan nga kabalak-an sa nahimong pahayag sa Pangulo nga posibleng madugay pa ang pagpalambo sa Davao airport.
Kahinumduman nga una ng gipanawagan sa tourism stakeholders ug business sector sa siyudad nga kinahanglan palambuon ang tugpahanan sa dakbayan human nga usa kini sa pinaka-okupado nga airport sa nasod kaniadtong 2018 nga nakatala ug 4.4 million ka mga pasahero.
Sa kasamtangan, daghanang mga domestic flights na sab paingon sa gawas sa nasod ang gilunsad sa siyudad.
Samtang una na sab nga nag-presenta ang Udenna Corporation ug unsolicited proposal aron i-develop, mag-operate ug magmentina sa Davao airport ilalom sa public-private partnership (PPP) scheme.
