DAVAO CITY – Gibutyag sa tribal leader sa Langilan-Manobo tribe sa Davao del Norte nga ang recruitment sa New People’s Army sa lalawigan ang mihinay na gumikan kay mipakita na matud pa ug pagsukol ang IP communities.
Una ng gibutyag ni Datu Malapandaw Nestor Apas, chief sa Langilan-Manobo tribe, nga namatikdan na nila karon ang dyutay nga pag-ubos sa ihap sa recruitment ngadto sa ilang mga miyembro sa rehiyon.
Aduna na sab sumala pa silay sistema diin ang tribal datus mamahimong regular nga mo-report kung mosulay pagtudlo ang mga rebelde ngadto sa mga lumad.
Samtang gikanayon sab sa nahisgutan nga hangtud karon aduna pa gihapoy daghanang mga IP members ang nagpabilin sa UCCP Haran ning dakbayan ingon man nagsilbi isip mga communist guerrillas.
Gibutyag sab ni Datu Apas, nga sa ilang tribu adunay 800 Lumads ang mitahan ug mibalik sa sabakan sa kagamhanan.
Nanawagan sab kini sa uban pa nilang mga ka-tribu nga biyaan na ang Communist Party of the Philippines.
