DAVAO CITY – Dakpan sa kapulisan ang top 1 most wanted person sa provincial level ug naa sa Top 10 Manhunt Charlie gumikan sa kasong lugos.
Giila ang dinakpan nga si Marcelino Pantinople Pulbos, 50, minyo, usaka mag-umma ug nagpuyo sa Km 3, Sitio Kawayan, Brgy. Sampaguita, Veruela, Agusan del Sur.
Subay sa report gidakop si Pulbos pinaagi sa Warrant of arrest gumikan sa gikalambigitang kasong pagpanglugos nga walay girekomendang piyansa.
Ang pagkasikop sa suspect ang resulta sa gihiuisang operasyon sa kapulisan sa Matanao Municipal Police Station sa pagpanguna ni Police Capt Rhuel Barachina uban sa team gikan sa Davao del Sur Police provincial Office – Provincial Intelligence Branch ug team sa Veruela Municipal Police Station, Agusan del Sur alas 08:45 kagahapon sa buntag sa Km 3, Sitio Kawayan, Brgy. Sampaguita, Agusan del Sur.
Sa karon naa na sa kustodiya sa Matanao Municipal Police Station ang suspect.
Gipanganti usab ni Police Captain Barachina nga magpadayon ang ilang buhatan sa papalig-on sa Manhunt Charlie ug Manhunt Operations aron masikop ang mga wanted persons.
