Gikatakdang iduso sa Department of Justice (DOJ) ang kasong qualified human trafficking batok kang dismissed Bamban, Tarlac Mayor Alice Guo sa Pasig City Regional Trial Court (RTC).
Gawas kang Guo, kasuhan sab ang matud pa business partners nga gilangkuban matud pa sa POGO “big boss,” nga si Huang Zhiyang.
Kahinumdumang nagpadala og sulat Justice Secretary Jesus Crispin Remulla kang Chief Justice Alexander G. Gesmundo niadtong Abril 22 ning tuiga ug mihangyo nga ibalhin ang criminal case numbers 9855-9857 gikan sa Capas, Tarlac RTC paingon sa Metro Manila.
Gani, kumpyansa ang DOJ nga sakto ang ilang ebidensiya aron manubag ang mga respondents sa mga kasong ilang ginaatubang.
Sumala pa sa DOJ, ang mga kaso ilawom sa Republic Act 9208, o The Anti-Trafficking in Persons Act of 2003 non-bailable ug dunay katugbang nga pagkapriso sa tibuok kinabuhi.
Gawas sa human trafficking ug graft case, si Guo nag-atubang sab og kasong tax evasion ug money laundering sa DOJ.
