DAVAO CITY – Gipasalig sa Davao City Transport and Traffic Management Office ( CTTMO ) ngadto sa Public Utility Vehicle (PUV) drivers nga walay angayan nga kahadlokan ang mga nahisgutan nga mawad-an sila ug panginabuhian sa higayon nga hingpit na nga ipatuman sa dakbayan ang High Priority Bus System (HPBS).
Sumala pa kang CTTMO chief Dionisio Abude ang HPBS usa ka oportunidad nga abli sa mga drivers ug operators. Ilalom sa HPBS, ang mga apektadong PUV drivers ang hatagan ug prayoridad nga matagaan ug trabaho.
Ipailalom sab ang mga nahisgutan sa skills training sa the Technical Education and Skills Development Authority (TESDA) aron nga kwalipikado ang mga nahisgutan sa HPBS.
Naglaom ang lokal nga panggamhanan nga anaa sa kapin kun kulang 7,000 drivers ug operators ang maapektohan sa HPBS, nga usa sa priority agenda ni Mayor Inday Sara Duterte diin tumong niini nga himuong moderno ang public transport system sa siyudad, mohatag ug luwas, convenient transportation ngadto sa publiko ug makunhuran ang traffic situation sa siyudad.
