DAVAO CITY – Patay ang usa ka Purok Chairman sa Tagum City human nga gipusil sa wala pa mailhing suspek.
Nailhan ang biktima nga si Venincio Loy Enriga, 47 anyos, Purok Chairman sa Purok Garcia, Barangay Mankilam, Panabo City ug residente sab sa maong lugar.
Subay sa taho, alas 11:30 kaganihang buntag, samtang anaa sa meeting si Enriga kauban ang iyang mga constituents sa basketball court sa nahisgutang lugar, kalit na lamang nga miabot ang usa ka wala pa mailhing lalaki ug gipusil ang biktima sa makadaghan nga higayon hinungdan nga nakabsan kini sa kinabuhi.
Nakuha gikan sa crime scene ang 4 ka basiyo sa bala gikan sa .45 caliber pistol.
Samtang, padayun pang ginasuta sa mga otoridad hangtud karon ang kamatuoran sa mikuyanap nga mga balita nga posible matud pa nga adunay kalabutan sa wala nahinayon nga pay-out sa mga investment scam sa Davao del Norte ang pagpatay sa biktima tungod konektado matud pa kini sa pamilya nga anaa sa taas nga posisyon sa Rigen Marketing.
