DAVAO REGION- Gipang-ibot ang mga punuan sa tanom nga Marijuana sa nakalabay nga adlaw pasado alas jes sa buntag, sa Sitio Cadupe, Barangay Talian, Maragusan, Davao de Oro.
Gipanguhan sa Maragusan Drug Enforcement Team (MDET) sa Maragusan Municipal Police Station sa pagpanguna ni PCPT NILO C ESCOBIDO, Deputy Chief of Police, ubos sa direkta ni PMAJ ARIEL A PASCUAL ang hepe sa kapulisan, lakip sab ang mga personahe sa 1st Davao Oriental Police Mobile Force Company nga gipanguhanan ni PMAJ NORMAN L YPARRAGUIRRE, Acting Force Commander, ug 2nd Mobile Force Platoon, 1st DDOPMFC, nga gipangunahan usab ni PCPT RODIEN F HORMIGAS, Platoon Leader, opisyal sa baranggay ug mga sektor sa katilingban nga miresulta sa paglarot sa mga gipatubo nga marijuana nga kini ang gipantanom daplin sa Sapa.
Nasayran nga sa wala pa ang operasyon, usa ka concerned citizen ang mitawag sa ilahang buhatan nga nagpahibao kabahin sa nakit-an nga tanom nga marijuana sa nasampit nga lokasyon.
Gilayon nga mipahigayon ug ocular investigation ang kapulisan aron masuta ang kamatuoran sa nasangpit nga report.
Ang gidudahang mga tanom nga marijuana gibanabanaan nga mubalor sa P400 nga anaa sa kustodiya Regional Forensic Unit 11, sa Candelaria St., ning dakbayan sa Davao alang sa Laboratory.
Samtang ginasubay pa usab karong panahuna kung kinsa ang nagtanom niini nga gipatung-an sa kasagbutan.
