DAVAO CITY – Miabot sa P44 billion nga pondo ang gigahin sa Department of Public Works and Highways 11 alang sa nasa usa ka libo nga mga infrastructure projects sa rehiyon karong tuiga.
Gikanayon ni DPWH-Davao regional director Juby Cordon, nalukop niini ang mga proyekto sama sa mga dalan, water supply system, flood control, mga gambalay, ug uban pa.
Gawas sa ilang pagpangandam alang sa subling pag-abli sa Davao City Coastal Road, gitutukan sab sa buhatan ang construction sa Ma-a flyover sa may dalang C.P. Garcia Highway ug Ma-a Road, apan gipinalisa pa ang construction dates sa maong proyekto.
Nakighinabi na sab ang DPWH 11 ngadto sa mga barangay ug uban pang hingtungdang ahensya alang sa nagpadayong road projects nga nagresulta sa bug-at nga dagan sa trapiko ug ubang kakulian sama sa “right of way”.
via || Bombo LJF
