DAVAO CITY – Gikatakdang bisitahon ni Police Brig. General Marcelo Morales ang usa ka Police officer nga ginakanayong napusilan atol sa gilusad nga operasyon batok sa suspek nga adunay nag-ong-ong nga kaso.
Kahinumduman nga nakaangkon ug ubay-ubay nga samad pinusilan si Police Corporal Joel Villegas sa Bunawan Police Station human nga mipakita kanila ug pagsukol ang suspek nga si BASILIO MONTEROSO ABRIGOSO nga napatay sab sa kapulisan atol sa operasyon.
Sa kasamtangan, padayon nga nagpa-alim sa Southern Philippines Medical Center (SPMC) ang biktima ug luwas na kini sa makuyaw nga kahimtang.
Gikatakdang pasidunggan si Police Corporal Villegas ni Morales gumikan sa gipakita niini kaisog aron nga mahuptan ang iyang trabaho ingon man paggukod sa mga tawo nga adunay salaod nga nahimo sa katilingban.
