DAVAO CITY – Nagproblema karon ang daghanan nga mga PUJ driver sa dakbayan sa Davao human nga wala sila makatambong sa driver’s seminar nga gipahigayon sa Almendras Gym.
Sumala sa mga driver gisaaran sila sa mga personahe sa City Transport ang Management Office (CTTMO) gumikan kay wala mahilakip sa listahan sa mga magseminar.
Apan gipamugos sa mga driver nga nakapa-schedule na silang daan niadto pang bulan sa Abril ug mismo nga taga-CTTMO ang nagpahibalo kanila nga karong adlawa ang ilang seminar hinongdan nga wala na sila mamasada.
Labihang hugno-a sa abaga sa mga PUJ drivers human nga gibarugan ni CTTMO head Deonesio Abude nga kinahanglan nga magpalista pag-usab ang mga wala maka-seminar ug pabalikon na lang sa uban nga adlaw.
Wala misugot ang mga PUJ drivers gumikan kay dili na sab sila makapamasada ug nawad-an na sab sila kita sulod sa usa ka adlaw.
Labi na nga dili pa sila maka-driver kung wala pa sila makaseminar.
