DAVAO CITY – Pugngan ni Davao City Mayor Inday Sara Duterte Carpio ang naandan nga pagbalhin sa ubang bahin sa nasod sa mga highly trained nga mga police gikan sa Davao bisan kung wala’y nahimo nga kalapasan sa mga sumbanan sa kapolisan sa nasod.
Kini ang gikompirma mismo ni PNP Chief Director Gen. Oscar Albayalde sa dihang mibisita sa buhatan ni Davao City Mayor Inday Sara Duterte-Carpio.
Una nang gihangyo sa mayor nga pun-an sa PNP ang mga ginsakpan niini ang ihap sa mga pulis sa dakbayan gumikan kay nagkadaghan na ang mga tawo sa siudad.
Tun-an sab sa directorate of finance sa PNP ang sugyot nga himoon nga usa ka distrito ang Davao City Police subay sa rekomendasyon sa National Police Commission.
Gipasalig ni Mayor Duterte-Carpio kang Albayalde nga hugtanon nga gipatuman dinhi sa dakbayan ang anti-tambay operation.
Gidugang sa alkalde nga dili na bag-o sa dakbayan ang pagsita sa mga tambay gumikan kay daan na kini nga ginahimo sa dakbayan pinaagi sa oplan sita sa DCPO.
Human sa iyang pagduaw, gihatagan sab ug medalya ng kagitingan ang usa ka pulis sa dakbayan gumikan sa pagkadakop niini sa usa ka suspek nga drug pusher bisan pa kung samdon sa braso ang tinugyanan sa balaod.
