DAVAO CITY – Gi-awhag sa usa ka opisyal sa lokal nga panggamhanan ang publiko nga magbinantayon sa illegal housing subdivision projects sa rehiyon.
Sumala pa kang Department of Human Settlements and Urban Development (DHSUD) Davao officer-in-charge Miguel Palma Gil, kasamtangan nila karon nga gigukod ang mga illegal housing projects developers sa rehiyon partikular na dinhi sa siyudad.
Dugang sa nahisgutan nga ang mga developers ang nag-subdividing sa mga luna bisan nga wala kini lisensiya ug development permit.
Gitataw sab ni Gil nga pipila sa ilang gimonitor karon ang mga illegal subdivision projects nga nahimutang sa barangay Indangan ug Communal sa Buhangin District ingon man mga housing projects sa Island Garden City of Samal sa Davao del Norte.
Nasayran nga sagad sa mga illegal housing subdivision projects ang wala sumala pay “proper canal systems, proper road system, ug proper road networks.” Sa kasamtangan, plano matud pa nila nga moduso ug administrative ingon man criminal cases sa higayon nga masayran na nila ang mga illegal developers.
