Gisiguro sa Public Safety and Security Office (PSSO) ang kaluwasan ug kahapsay sa pagsaulog sa umaabot nga Chinese New Year.
Sumala pa ni Angel Sumagaysay, ang labaw sa PSSO, nga andam na ang security plan alang sa maong selebrasyon diin magdeploy sumala pa ang PSSO og kapin 150 ka security personnel.
Gawas pa sa PSSO, magdeploy usab ang Davao City Police Office (DCPO) og musobra 200 ka kapolisan, magpadala usab og mga personahe ang pipila ka mga ahensya susama sa Civil Security Unit (CSU), City Transport and Traffic Management Office (CTTMO), ug City Disaster Risk and Management Office (CDRRMO).
Ang mga security forces ipakatap sa nagkalain-laing dapit, lakip na ang Chinatown ug ang activity area sa Rizal Park.
Samtang, gipahimangnoan usab ni Sumagaysay ang mga Dabawenyo bahin sa strikto nga pagpatuman sa mga regulation ilabi na sa adlaw mismo sa maong pagsaulog, labing ginadili sumala pa ang paggamit og mga pabuto ug pagdala og mga mahait nga butang.
Giawhag usab ang publiko nga likayan ang pagdala og packbag, non-transparent nga water containers ug uban pang mga butang nga makahatag og kabalaka sa mga otoridad.
Gitambagan usab ang mga nagdumala og event ug ang lokal nga Chinese community bahin sa mga precautionary measures aron masiguro ang hapsay nga dagan sa mga kalihokan.
Gani, ang maong programa nga ipahigayon sa Rizal Park magsugod alas-5 sa hapon ug magpadayon hangtod alas-7 sa gabii, diin gilauman nga kapin 200 ka mga partisipante ang motambong.
Gibarugan usab sa PSSO nga ang ilang koordinasyon ug laraw magdala sumala pa og kalinaw ug kasiguruhan alang sa tanang mosalmot sa maong selebrasyon.
