DAVAO CITY – Gilubong na kaganina June 4, 2022 si PSSG Erull Millano sa Golden Valley memorial Garden sa Barangay Magsaysay, Nabunturan, Davao de Oro.
Gipangunahan ni Police Col Leonard Luna, provincial director sa Davao de Oro Police provincial office ang iyang mga ginsakupan sa paghalad ug funeral honor alang sa namatay nga kaubanang police.
Kahinumduman nga napatay si Millana atol sa pinusilay tali sa mga tulisan nga nagsakay ug motor niadtong May 25, 2022 sa Purok 4 Barangay Magsaysay, Nabunturan Davao de Oro.
Atol sa necrological rites sa Nuestra Seniora de Salvacion Chapel, gibasa ni Luna ang mensahe ni PRO 11 regional director Police Brig. Gen Benjamin Silo Jr. nga gisundan sa pagtunol sa Medalya ng Kagalingan Posthumous Award ngadto sa asawa ug sa nabiling pamilya ni PSSG Millana.
Gipadangat usba ni PCOL Luna ang iyang lalom ug tinuoray nga pahasubo ngadto sa pamilya ug gipaslaamatan ang giilang fallen hero nga si Millana gumikan sa pagsakripisyo, kaisog ug walay pagduhaduha nga didikasyon nga gihatag niini samtang naa sa iyang pagpangatungdnaan nga miresulta sa pagka-patay usab sa mga kriminal nga nalambigit na daghan na mga kaso sa davao de oro.
