DAVAO CITY – Subling giklaro sa public Safety and Security Command Center nga walay kamatuoran ang mikatag nga impormasyon kalabot sa puti nga van nga manguha sumala og bata ug mga batan-on.
Gipasalig ni Angel Sumagaysay, head sa Public Safety and Security Command Center (PSSCC), nga walay kamatuoran ang maong impormasyon.
Kahinumduman nga daghanan ang nabalaka kalabot sa sumala pa organ trafficking syndicate nga maoy responsable sa pagpangidnap.
Apan gitino sa opisyal nga dili ma-control ang sayup nga pagpakatag og impormasyon sa social media ug gipasalig nga wala kini nahitabo sa siyudad.
Gani wala sumala pay bisan usa nga kaso sa missing person ang natala dinhi sa dakbayan.
Nagkatag sab sumala pa ang mga CCTV palibot sa siyudad nga makatabang sa pagsulbad sa mga krimen.
Samtang naka-lockdown sumala pa karon ang dakbayan ilabi na nga nagsugod na ang pasko fiesta sa milabay nga bulan.
Gani naka-full alert sumala pa karon ang security ug public safety units sa siyudad.
Gipahimangnoan na lamang karon sa safety officer ang publiko nga kinahanglan responsable ang mga nahisgutan kung unsa man ang ilang i-post sa social media gumikan kay mamahimong hinungdan lamang kini sa pagpanic.
