DAVAO CITY – Nakig-alayon ang Aboitiz Group ug Davao City LGU alang sa usa ka mahinungdanong proyekto nga magpataas sa kalidad sa serbisyo sa natad sa Business Processing dinhi sa dakbayan. Giila ang maong proyekto isip Project BILIS DAVAO.
Giselyuhan ang maong partnership tali Aboitiz og Davao City Government atol sa MOA signing kagahapon uban ang mga opisyales sa Aboitiz Group ug ni Davao City Mayor Sebastian Duterte.
Ang Project BILIS DAVAO, usa ka digitalization project alang sa pagmugna og ease of doing business aron makaaghat og mga bag-ong negosyo ug kalambuan sa dakbayan.
Sumala ni Anton Percides, Senior Vice President and COO sa AboitizPower Distribution Unit, tumong sa maong proyekto nga mapadali ang pagproseso sa mga dokumento sama sa building and business permits, tax mapping, ug ang paggamit sa online payment channels alang sa adlaw-adlaw nga operasyon sa matag negosyo.
Usa kana sa pamaagi sa kumpanya aron makaapas sa paspas nga dagan sa panahon ang matag negosyante sa pagsubay sa digital stage sa kasamtangang panahon diin ginagamit karon ang teknolohiya isip kabahin sa pagpanginabuhi.
Naglaum ang kumpanya nga magmalampuson ang maong proyekto inubanan sa lokal nga panggamhanan sa Davao City; sama sa non-renewable and renewable energy sources, underground cabling project, ug ang Apo Agua Water Bulk Supply project.
via || Bombo LJF
