DAVAO CITY – Gilusad sa Chinese Consulate General sa Davao City ug sa lokal nga kagamhanan sa dakbayan sa dabaw ang Banana Plantation Program alang sa mga katawhan sa Marilog ug Paquibato Districts, Davao City.
Ilalom sa nahisgutang programa, manghatag ang Consulate General ug mga seedlings, fertilizers, ug mga pesticides ngadto sa 100 local banana farmers nga nalista sa City Agriculturist’s Office (CAO).
Sa iyang mensahe, gikanayon ni Chinese Consul General Li Lin sa tumong nga matabangan ang mga pamilyang Lumad sa nahisgutang mga distrito nga nagkinahanglan ug suporta, manghatag ang Chinese Consulate General ug kinatubuk-ang P3.5 million ngadto sa 100 ka mga pamilya sa Marilog ug Paquibato districts aron mananum ug mga saging.
Dugang pa ni Lin nga ang nahisgutang hinabang ang maghatag sa matag pamilya ug kahigayunan aron makapamalit ug usaka libo ka mga seedlings, fertilizers, ug pesticides nga ka-igo sulod sa usaka tuig.
Tumong sa proyekto nga matabangan ang mga pamilyang lumas nga nagkinahanglan nug suporta sa ilang panginabuhhuan ug gibana-bana nga mokita kini ug average nga 10 mil ka dugang binulan nga income sa matag pamilya.
Namugna ang nahisgutang programa atol sa meeting tali kang Lin ug ni Mayor Sara Duterte-Carpio sa economic recovery cooperation taliwala sa Covid-19 pandemic, partikular na sa kooperasyon sa mga urral areas ug sa agricultural sector.
