Gipahibalo sa Philippine Coconut Authority (PCA) nga mikunhod og 20% ang produksyon sa lubi sa nasud karong tuiga, tungod sa grabeng kainit ug kakulangon sa ulan nga gidala sa El Niño sa unang bahin sa 2023, ug ang sunod-sunod nga bagyo sa ulahing bahin sa tuig.
Sumala ni Luz Brenda Balibrea sa PCA, naapektuhan usab ang produksyon sa coconut oil nga mikunhod og 15%.
Bisan pa sa pagkunhod, nagpabilin pa gihapon nga ikaduha ang Pilipinas sa labing dakong prodyuser sa lubi sa tibuok kalibutan. Dugang pa ni Balibrea, dili lamang ang Pilipinas ang nag-antos sa kakulangan, gumikan naapektuhan usab ang global supply sa vegetable oil.
Isip tubag, gisugdan na sa PCA ang halapad nga pagpamugos sa pagtanum ug replanting sa lubi. Target sa administrasyon ni Pangulong Ferdinand Marcos Jr. nga makatanum og 100 milyones ka punoan sa lubi, diin 8.5 milyon na ang natanum niadtong milabay nga tuig ug 25 milyon pa ang target karong tuiga
Giklaro usab sa PCA nga wala silay plano nga ipatuman ang export ban sa mga produktong gikan sa lubi tungod kini maoy nag-unang export commodity sa nasud.
