DAVAO CITY – Padayon sumala pa karon ang pag-ubos sa produksiyon sa Cavendish banana gumikan sa “Panama disease” ug nasinatian nga El Niño phenomenon nga mihatud ug dakong kadaut sa agricultural lands sa rehiyon.
Kini sab sumala pa ang hinungdan nga miubos ang demand sa export sa mga major international market sa Cavendish banana sama sa China.
Sumala pa kang Mindanao Banana Farmers and Exporters Association (MBFEA) executive director Gladys Mebrano-Garcia nga daghanang rason ang hinungdan sa pag-ubos sa banana production ilabi na sa mga small ug medium banana growers sa rehiyon.
Nasayran nga ang Panama disease hinungdan sa soil-inhabiting fungus species nga gitawag ug Fusarium nga nakaapekto sa 15 mil ka ektarya sa banana plantations sukad 2015.
Gikanayong ang natalang kadaut tungod sa Panama disease ang base sa data sa geo-tagging map gikan sa Department of Agriculture.
Nakatampo sab sumala pa sa kadaut ang kalit nga pagbag-o sa klima gikan sa sunod-sunod nga pagbaha sayo sa 2010 ingon man ang weak El Niño.
