DAVAO CITY – Nasubo pag-ayo karon ang Police regional office 11 gumikan sa kamatayon ni Police Staff Sgt Erull Millana kinsa nakig-pinusilay tali sa 2 ka mgka tulisan Purok 4 Magsaysay, Nabunturan, Davao de Oro pasado alas dos sa kadlawon kagahapon Mayo 25.
Gikabutyag nga si Millana kinsa na-destino sa Montevista Police Advance post uban kang PCpl Rogelo Golo Jr, ang miresponde sa usaka report gikan sa usaka Lemark Fontino nga nagkanayon gitulis ug giti-unan ug armas ang iyang igsuon nga si Efraim Fontino sa mga wala mailhing armadong mga lalaki nagsakay ug motor.
Sa dihang namatikdan sumala pa sa mga tulisan ang pag-abot sa mga police dali kining misibat sakay sa ilang motor, hinungdan nga gigukod kini nila Millana ug Golo.
Apan, pag-abot sa nahisgutang dapit gi-atangan sa mga suspect ang duha ka mga police ug gipamusil, ug naigo sa tiyan nga bahin si Millana.
Gidali pa kini pagdala sa ospital apan nabugtuan lamang gihapon sa iyang kinabuhi gumikan sa grabe nga samad pinusilan sa tiyan nga bahin.
Nakahimo pa sa pagbalos ang mga police nga maoy hinungdan sa kamatayon usab sa usa sa mga tulisan.
Samtang, naka-ikyas ang driver sa motor nga adunay samad usab sa bukton nga bahin paingon sa bukirong bahin Brgy. Magsaysay, Nabunturan, Davao de Oro.
Dali nga gipahigayon ang hot pusuit operation sa hiniusang pwersa sa Montevista, Compostela ug Nabunturan Municipal Police Stations ug sa 1st Davao de Oro Provincial Mobile Force Company nga miresulta sa pagka-patay usab sa nahisgutang suspect human matigayon ang laing pinusilay.
Gikanayon ni PBGEN BENJAMIN SILO, JR, Regional director sa PRO 11 nga iyang gidayeg ang kaisog ni Millana ug mipadangat sa iyang tumang kasuko ngadto sa pamilya sa napatay nga police.
Gidayeg ni Silo sila PSSG Millana ug PCpl Golo gumikan sa kaiisog ug walay pagduha-duha nga didikasyon nga miresulta sa kamatayon sa duha ka mga suspect nga gilambigit usab sa lain-laing mga kriminalidad sa Davao de oro.
