DAVAO CITY- Gipaklaro karon sa kapulisan sa PRO-11 nga dili mahitungod sa pagsilbi sa warrant of arrest sa Kingdom Of Jesus Christ ang pagkamatay sa usa edarang lalaki sulod sa compound.
Sumala pa sa kapulisan nga ang biktima naila nga si Edwin Escubido Cababat,51-anyos, usa ka food vendor.
Sumala pa sa imbistigasyon nga ang biktima nga nakabsan sa kinabuhi nga unang gika-report nga giataki sa kasing-kasing ang nakuyapan samtang nag-manning sa usa sa mga KOJC Towers.
Human nga nadawat niini ang report gilayon nga gidala sa RHS ambulance ang biktima sa Southern Philippines Medical Center.
Apan pag-abot sa ospital gideklara ining dead on arrival gumikan sumala sa daan na niining balati-an.
Ang PRO-11 nagpadangat na ug pahasubo kabahin sa pagkamatay ni Cababat samtang gipaklaro niini nga igo lamang kini nagsilbi sa Warrant of Arrest batok kang Pastor Quiboloy.
Tungod niini giawhag aron ang publiko nga sabton ang unod sa maong sitwasyon ilabi sa gipahigayon nga operasyon sa kapulisan aron nga ipatuman ang balaod.
