DAVAO REGION- Gihatagan og gimbug-aton sa Police Regional Office kon PRO XI pinaagi sa opisyal niining pamahayag nga ang aksyong gibuhat sa kapulisan ang nagpamatuod sa ilahang pasalig sa pagsuporta sa balaod ug pagprotekta sa katungod sa tanang indibidual.
Ang maong pamahayag ang giluwatan sa PRO XI human ang natigayong tensyonado nga pagsilbi sa search warrant sa mga tropa sa Special Action Force ug sa Criminal Investigation and Detection Group sa Kingdom of Jesus Christ, Glory Mountain og Prayer Mountain sa Tamayong, Calinan District sa milabayng adlaw.
Sumala pa sa maong pamahayag nga ang pagsilbi sa warrant of arrest kay Pastor Quiboloy ug pipila niini ka kubanan ang gipatuman subay sa balido nga warrant nga gi-isyu sa pipila ka korte.
Sumala sa PRO XI nga ang gimugnang operasyon ang inubanan sa bug-os nga konsiderasyon alang sa kaluwasan ug regularidad, nga nagsunod sa istriktong protocol alang ma minusan ug masiguro ang seguridad sa publiko.
Matud pa nga ang desisyon nga magkuha og pipila ka kapulisan nga nalambigit sa pagsilbi sa pipila ka warrant of arrest ang gibuhat aron masiguro ang seguridad ug epektibong operasyon ilabi pa kay ilahang gikonsidera ang ihap sa tawong arrestohon ug ang lugar kong diin ginatuuhang ngadto sila makit-an.
Dugang pa niini nga ang pagdala og ‘basic police requirement’ ang parte sa mandato sa ilahang police operational procedures susama sa issued firearms, restraining devices, personal protective equipement ug uban pang butang nga required alang sa usa ka partikular nga klase sa operasyon ang gibuhat ang nakapatik ubos sa gitukod nga rules of agreement ug operational procedures.
Dugang pa sa maong buhatan nga ilahang nasabtan ang kabalaka sa paggamit og kusog apan matud nga ang mga kapulisang gimanduan nga magsilbi sa arrest warrants ang adunay makatarunganon nga mga lakang aron ma pugngan ang pipila ka indibidual nga mibabag sa maong operasyon.
Bisan pa man matud pa sa pagmagahi sa mga supporters ni Pastor Quiboloy, ang mga kapulisan ang matud pa nagpabiling ‘composed’ ug nagpakita og maximum tolerance atol sa operasyon.
Gihatagan usab og gimbug-aton sa PRO XI nga si KOJC leader Pastor Apollo Quiboloy, sama sa uban pang citizen ang adunay katungod sa pangagpas nga inosente hangtod mapamatud-ang guilty.
Matud pa nga ang pagsilbi sa warrant of arrest ang usa ka lakang sa pamaaging legal nga proceso ug ilaha usab nga gina-awhag ang publiko nga tugutan ang judiciary nga buhaton ilahang trabaho nga wala undue pressure o spekulasyon.
Pagpasalig sa PRO XI nga sila ang magpabiling dedikado sa sukaranang prinsipyo sa katungod sa katawhan sa pagpatuman sa balaod. Ang mga kapulisan ang mangayo sa pagsabot sa katawhan ug kooperasyon sa ilahang pagpdayon sa pagsilbi ug protekta sa katawhan sa nasud partikular na sa Dakbayan sa Davao.
via// DMA
