DAVAO REGION- Gipaklaro karon sa tigpamaba sa PRO 11 nga si PMaj. Catherine Dela Rey ang migula nga mga impormasyon kabahin sa ipahigayon sumala pa nga re-assignments sa mga myembro sa kapulisan dinhi sa rehiyon ngadto sa Camp Crame.
Sumala pa sa opisyal nga pagbalhin sa mga personahe sa kapulisan ang kabahin kini sa ilahang tahas nga madestino sa bisan asa nga bahin sa nasud.
Gidugang pa niini nga dili na kini bag-o sa ilahang han-ay.
Samtang gipaklaro usab niini nga ang ipatuman nga re-assignments, dili tanan nga kini nagpasabot nga adunay gi-atubang nga kaso ang usa ka personahe.
Nasayran nga una ng miguwa ang impormasyon nga adunay 45 ka mga personahe sa Davao City Police Office nga ibalhin sumala pa sa Directorate for Personnel and Records Management (DPRM) Personnel Holding and Accounting Unit (PHAU) sa Philippine National Police (PNP) sa Camp Crame, Quezon City nga kini gilangkuban sa 17 ka mga opisyal ug 28 ka mga non-commissioned officers.
Sa karon, gimando ni Torre ang imbestigasyon kung nganung nag-leak ang gipaguwa niini nga confidential nga memorandum.
Sa pagkakaron wala pa’y tubag ang Camp Crame kabahin sa sumala pa re-assignment.
