DAVAO CITY – Dungan sa mas gipahugtan nga kampanya batok sa illegal gambling, gibutyag sa hepe sa Police Regional Office Davao (PRO-Davao) nga wala sumala pay jueteng operation nga nahitabo sa Davao region.
Sumala pa kang PRO Davao Director Filmore Escobal, nga kung masayran niya nga adunay susama nga aktibidad sa Davao region, dili siya magpanuko nga i-relieved sa katungdanan ang mga hepe sa lugar diin natigayon ang illegal nga sugal.
Sa kasamtangan, wala pa siyay nadawat nga listahan sa jueteng operators sa rehiyon apan padayon pa gihapon sila nga naka-monitor niini.
Sa kasamtangan gipahugtan pa sa kapulisan ang ilang kampanya aron nga matapos na ang mga illegal nga sugal nga nakaapekto sumala pa sa sales sa Philippine Charity Sweepstakes Office (PCSO).
Gi-awhag na lamang nila ang publiko nga suportahan ang PCSO games gumikan kay nakatabang kini aron pagpatuman sa mga proyekto sa kagamhanan.
