DAVAO CITY – Gikabutyag sa Police Regional Office 11 ang ilang hugtanong seguridad alang sa mga elected public officials sa Davao Region bisan pa man nga walay gikatalang mga private armed groups kon PAGs dinhi sa rehiyon.
Gikanayon ni PRO 11 Spokesperson Police Major Eudisan Gultiano nga hingpit nang gipakanaog sa kapulisan ang direktiba ni PRO 11 Regional Director Brigader General Benjamin Silo Jr. nga “one strike policy” diin kon ugaling dunay politiko sa ilang area of responsibility nga mapeligro ang kinabuhi, awtomatikong tanggalon na sa serbisyo ang mga pulis nga nadestino sa maong area.
Sumala pa ni Gulitiano, ilang gipaniguro nga walay mahitabo nga gubat sama sa pagpamanhig nga nahitabo sa Negros Oriental.
Dugang pa sa opisyal, palaran ang Davao Region tungod walay gikaingong intense political rivalry nga nahitabo dinhi sa rehiyon.
Sanglit, usa sa mga hinungdan sa insurgence-free nga estado sa rehiyon ang pagbaton ug walay duguong away-politika.
Hinuon, gipasalig gihapon sa PRO 11 ang hingpit nilang pagbantay sa mga PAGs subay na sab sa nahimong kamanduan ni DILG Secretary Benhur Abalos ngadto sa Philippine National Police nga pakusgan sa kapulisan ang pagpuhag sa mga PAGs human sa natalang pagpamanhig sa mga pulitiko sa unang duha ka bulan ning tuiga.
via || Bombo LJF
