DAVAO CITY – Suportado sa Davao Police Regional Office (PRO 11) ang sugyot ni Davao City Mayor Inday Sara Duterte-Carpio nga dili na ilakip ang dakbayan sa Davao sa Mindanao-wide nga pagpatuman sa martial law human nga ilang namatikdan nga maayo na ang kahusay ug kalinaw sa siyudad sa milabay nga katuigan.
Sa mensahe nga gipagula sa PRO 11, gikanayong sukad nga gipatuman ang martial law, napabilin sumala pa sa Armed Forces of the Philippines (AFP) ug Philippine National Police (PNP) ug uban pang law enforcement units ang peace and order sa siyudad ilabi na dihang nasikop sa otoridad ang Maute Group patriarch kaniadtong 2017 nga usa ka timailhan sa positibong resultang.
Kini gawas pa sa pagkasikop sa high-ranking members sa komunistang grupo, high-valued drug targets, ug mga most wanted personalities.
Luyo sumala pa sa mga posibleng bahad sa dakbayan diin nanimuyo si Pangulong Rodrigo Duterte, gitataw sa PRO 11 nga aduna silang gipatuman nga mga security programs aron nga masolusyonan ang maong bahad pinaagi sa Smart Policing like Geographic Information System (GIS), Facial Recognition System (FRS) ug Plate Number Identification System (PNIS).
