DAVAO CITY – Walay undang si Police Regional Office (PRO) Davao Director Marcelo Morales sa paghatag ug pahimangno sa kapulisan nga likayan nga malambigit sa mga nagkadaiyang financial investment schemes sa rehiyon gumikan kay mamahimo kining hinungdan nga mapasakahan ang mga nahisgutan ug kasong administratibo gumikan sa insubordination.
Ang pahayag sa opisyal adunay kalabotan sa ilang nadawat nga report nga adunay pipila ka mga sakop sa kapulisan ang nag-invest usab ug salapi sa mga investment schemes nga nagtanyag ug dako nga tubo.
Nasayran sab sa opisyal nga gawas sa kapulisan nakamonitor sab sila nga adunay mga militar, magtutudlo, political leaders, businessmen, respectable persons sa komunidad ug daghanan pa ang misulod sa investment schemes.
