-- ADVERTISEMENT --
DAVAO CITY – Nakatala ang Regional Election Monitoring Center (Remac) sa Police Regional Office (PRO)-Davao ug halos 70 ka mga violators sa Commission on Elections (Comelec) liquor ban diin pipila niini nadakpan sa mismong adlaw sa eleksiyon.
Subay sa data sa Remac, kinatibuk-ang 17 ka mga police operations ang gipahigayon sa kapulisan sa tibuok rehiyon.
Kahinumduman nga subay sa Omnibus Election Code, ginadili ang pagpamaligya, pagpalit o pag-inom ug alak ayha o sa mismong adlaw sa eleksiyon.
Ang mga nakalapas mamahimong mabilanggo ug dili moubos sa usa ka tuig ug dili mosobra sa unom ka tuig.
Gawas sa liquor ban, adunay nasikop usab nga mga indibidwal sa pipila ka mga lugar sa Davao region gumikan sa vote buying.
-- ADVERTISEMENT --
