DAVAV CITY – Nagmabinantayon karon ang Police Regional Office 11 sa nagkataas nga mga kaso sa pagpanglugos dinhi sa Davao Region.
Gikanayon ni PRO 11 spokesperson, Police Major Eudisan Gultiano, sagad sa mga kaso sa rape nagapahinabo sa mga pribadong lugar.
Giangkon sa kapulisan nga gikinahanglan ang tumang kooperasyon sa pamilya ug kabanay ilabi na sa kaso sa incest rape.
Gipataas na sab ang pagpaigmat niini sa mismong bag-ong PRO 11 Regional Director Brigader General Delvo nga kasamtangang nisalmot sa usa ka rape symposium sa kaulohoan.
Taliwala pa niini, gikabutyag sab ni Gultiano nga nagtaas ang ihap sa mga rape cases sa rehiyon tungod sa pag-report sa mga biktima sa kapulisan, ug ang katakus sa Women and Children’s Desk sa matag kapulisan nga sulbaron ang mga kaso sa pagpanglugos.
Gisugyot sa opisyal ang kanunayong pagpatrol sa kapulisan.
Sa kabahin sab sa indibidwal ilabi na sa kababayen-an, siguruha nga makig-uban lang sa mga gikasaligang higala ug ang pagpatawag og hinabang kon mamatikdan ang dili maayong nilihukan.
Importante sab nga bantayan sa ilang pamilya ang ilang mga anak aron dili masangko sa tumang peligro.
via || Bombo LJF
