DAVAO CITY- Gidala sa kapulisan sa pagpanguna sa PRO-11 ang usa LRAD kon Long Range Acoustic Device nga gitawag usab nga sound cannon nga gamito kung adunay mahitabo nga kagubot atol sa operasyon.
Ang maong butang kasagaran nga ginagamit sa mga otoridad sa nagkadaiyang bahin sa kalibutan kung adunay mahitabo nga mga kagubot gumikan sa lihok protesta ilabi na kung adunay mahitabo nga riot.
Hinuon wala kini magamit sa otoridad atol sa pagsilbi sa warrant ug nakapundo lamang kini sa sakyanan sa kapulisan.
Kahinumduman nga una na kining nagamit niadtong 2017 atol sa ASEAN Summit kaniadtong panahon ni PNP Chief nga karon Senador Dela Rosa ang maong butang atol sa usa ka protesta nga iyaha usab kining gidepensahan.
Niadtong Hunyo 10, sa unang pagsilbi sa warrant of arrest wala kini sa bahin sa mga otoridad.
Samtang sa laing bahin, gimuntar sa kapulisan duol sa compound sa KOJC ang mga CCTV camera nga magsilbing monitoring sa nagtago-tago nga si Pastor Quiboloy.
Sumala pa sa mga otoridad nga gisulayan pa kini sa mga myembro ug kuha apan napugngan kini sa mga otoridad.
Una ng gikanayon ni Gen. Torre nga sinugdanan pa lamang kini sa ilahang tinguha nga dakpon sa Pastor Apollo Quiboloy nga karon adunay patong sa ulo nga P10 million pesos, ug tag-P1 million sa matag-usa sa nahibiling upat ka mga akusado.
