DAVAO CITY – Nakig-alayon na ang kapolisan sa rehiyon unse ngadto sa nagkada-iya nga mga buhatan sa kapolisan alang sa hingpit nga pagpatuman sa ceased and desist order (CDO) batok sa investment scheme nga wala’y pagtugot gikan sa Securities and Exchange Commission (SEC).
Sumala pa kang Police Brig. Gen. Marcelo Morales, PRO-11 Director nga gitahasan niini ang mga Police Provincial Directors nga makig-alayon sa mga ahensya sa kagamhanan aron nga masayran ang mamahimong basihan sa pagpasira sa investment scheme.
Dugang pa ni Morales nga human sa coordination meeting molusad na sila ug government operations batok sa mga investments scheme nga wala’y igo nga mga papeles gikan sa SEC ug sa Business Bureau sa mga kagamhanang lokal.
Hugtanon ang pahimangno sa kapolisan nga mag-amping sa ilang pagpamuhonan, labi na kung kwestyunable ang kompanya.
Gitataw ni Morales nga milusad sila ug imbestigasyon labot sa mga investment scheme aron nga kapanalipdan ang salapi sa mga yano nga mga lungsuranon.
Dili kombensido si Morales nga maisip nga sugal ang investment scheme gumikan kay wala kini mikuha ug permit gikan sa kagamhanan.
