DAVAO CITY – Gipasigarbo sa Police Regional Office (PRO) – 11 nga sukad hunyo 2019 hangtud Agosto 2019, daghanan kalampusan sa ilang gipatuman nga Operational Plan: “DABAW KALINAW” diin mukabat sa 687 ka mga pugante gikan sa 640 warrants of arrest ang natunol.
Atol sa OPLAN “DABAW KALINAW” operations, gipatuman sa PRO ang mga mosunod nga operasyon : pagpalig-on sa Checkpoints; OPLAN Bakal Sita; Pulong-Pulong; paghatag ug Medical services; Anti-Criminality Campaign pinaagi s apaghatag ug fylers; pagpalig-on sa presensiya sa kapulisan pinaagi sa Mobile ug Beat Patrols; ingon man gipalig-on ang Intel Monitoring ug koordinasyon sa otoridad.
Sa kasamtangan ang gipahigayon nga background check ug profiling sa mga tawo ang anaa sa kinatibuk-ang 20,653 ka mga households nga adunay 22,697 ka mga indibidwal.
Samtang sa gipahigayon nga Community Outreach Program, kinatibuk-ang 468 ka mga aktibidad ang ilang napahigayon uban ang 27,062 nga mga partisipante nga gihatagan ug medical services latas sa rehiyon.
Samtang nag-una sa mga adunay pinakataas nga nasikop mao ang DCPO nga anaa sa 290, gisundan sa DSPPO- 125; CVPPO- 111; DNPPO-71; DOCCPO- 34; RMFB 11- 33; ug DOPPO nga adunay 23.
Mihangyo na lamang ang opisyal ngadto sa publiko nga kung unsa man ang programa sa PNP, kinahanglan nga aduna kini suporta gikan sa katawhan aron nga dili sab sila mapakyas sa ilang mga kampanya.
