DAVAO CITY – Gibutyag ni Police Regional Office (PRO) Davao spokesperson Major Eudisan Gultiano nga gimandoan na matud pa ni PRO Davao director Filmore Escobal ang tanan nga mga police units duol sa area nga kinahanglan alerto ilabi na ang Baguio District nga duol lamang sa Bukidnon.
Tipik lamang kini human ang ulahing insidente diin gibanhigan sa mga gikatahapan nga miyembro sa New People’s Army (NPA) ang sakyanan sa kapulisan diin tulo angol ug usa ka pulis ang namatay.
Kahinumduman nga sakay sa convoy ang opisyal nga si Brigadier General Joselito Salido, deputy director sa Eastern Mindanao Directors for Integrated Police Operation dihang nahitabo ang insidente sa may Barangay Tikalaan ug Dominorog, Talakag Bukidnon.
Gawas sa opisyal, angol usab ang kaubanan niini nga sila si Police Captain Ramil Gighe, Senior Master Sergeant Giovanni Malinab ug Corporal Jerwin Genilla nga susamang anaa sa balay tambalanan sa Cagayan de Oro samtang napatay si Police Corporal Roel Sumaylo.
Una ng nagpagula og kamandoan si Philippine National Police (PNP) spokesperson Brigadier General Bernard Banac sa kapulisan sa Northern Mindanao nga maglusad og hot pursuit operations batok sa mga suspek.
Gikanayon sab ni Gultiano nga kinahanglan alerto ang tanan nga mga pulis stations nga duol sa area aron masiguro nga dili maka-atraka ang mga rebelde.
Pahayag ni Police Regional Office (PRO) Davao spokesperson Major Eudisan Gultiano.
