DAVAO CITY – Mas gipahugtan karon sa Police Regional Office (PRO) 11 ang monitoring sa tanang mga aktibong police personnel sa rehiyon aron masiguro nga wala kini nalambigit sa unsa mang mga illegal nga kalihukan.
Gikanayon ni Police Major Eudisan Gultiano, spokesperson sa PRO 11, lakip usab nga ilang gina-monitor kadtong mga kanhi sakop sa kapulisan nga na-dismiss sa ilang serbisyo kung aduna ba kini gina-himo nga illegal nga transaction.
Gihimo sa PRO 11 ang nahisgutang lakang human masikop sa usaka entrapment operation ang usaka kanhi police nga si Jenlee Corpuz nga kanhi adunay ranggo nga PO2 ug nadestino kaniadto sa Police regional office 10.
Subay sa report, na-dismiss si Corpuz sa serbisyo niadtong 2018 gumikan sa 11 ka ihap sa kasong grave misconduct ug misappropriation o failure to account sa drug buy bust money.
Gireklamo sumala mpa si Corpuz sa duha ka mga aplikante sa regional recruitment and selection unit sa PRO 11 human gipangayuan sila ug 75 mil ka pesos aron makasulod dayon sa PNP Training.
Tungod niini, nanawagan si Gultiano ngadto sa mga police applicant nga kung adunay modani kanila nga direktang makasulod sa han-ay sa kapulisan, dili gilayon motuo gumikan kay dako kining bakak.
Nasyaran usab sa PRO 11 subay na usab sa pagbutyag sa suspect nga moabot na sa 170 PNP applicant ang iyang na-recruit, hinungdan nga pa-imbestigahan usab karon sa PRO 11 ang mga ginsakupan niini gumikan kay basi ug aduna kini ka-kunsabo nga mga police sulod sa PRO 11.
