DAVAO CITY – Gikumpirma sa Police Regional Office (PRO) XI nga nadawat na nila ang memorandum order gikan sa Department of the Interior Local Government (DILG) diin kinahanglan na nila nga ipatuman ang Cease and Desist Order (CDO) batok Kapa Community Ministry International, Inc.
Una ng gibutyag ni Police Colonel Eden Ugale ang Deputy Regional Director for Operation sa PRO-XI nga kinahanglan ipatuman ang nahisgutan nga kamandoan sa hinanali nga panahon ug nakiglambigit na matud pa sila karon sa ahensiya sa Securities and Exchange Commission (SEC).
Kahinumduman nga una ng gibutyag ni DILG-XI Regional Director Alex Roldan nga gipagula mismo ni Secretary of the Interior Local Government Eduardo Año ang memorandum order kaniadto pang Mayo 2.
Gipasidad-an ni Roldan ang mga Mayor sa matag LGUs diin nag-operate ang KAPA nga mag-atubang kini ug kaso sa higayon nga dili motamud sa kamandoan.
Gikanayong ang aktibidad sa Kapa ug uban pang ponzi scheme makonsidera sumala pa nga economic sabotage ug mamahimong makaapekto sab kini ngadto sa katawhan.
