DAVAO CITY – Andam na ang mga sakop sa otoridad sa Davao region sa paghatag ug seguridad sa milyon ka mga tinun-an tali sa pampubliko ug pribadong tulonghaan aron nga mamahimong hapsay ang simultaneous opening sa klase sa Lunes, Hunyo 3.
Sumala pa kang Police Regional Office (PRO) Davao Director Marcelo Morales nga ipatuman nila ang Oplan Balik Eskwela (OBE).
Una ng gibutyag sa DepEd nga dungan sa opening sa bag-ong school year (SY) 2019-2020, mukabat sa 1,429,719 enrollees tali sa pampubliko ug pribadong tulonghaan latas sa rehiyon ang laoman ang mosulod sa ilang klase.
Gawas sa ipatuman nga seguridad, plano sab sa DepEd nga magpahigayon ug information dissemination sa mga estudyante alang sa mga posibleng insidente sa mga eskwelahan ingon man safety tips kung paunsa malikayan nga dili mabiktima sa mga dautang elemento.
Sa mosunod sumala pa nga mga adlaw, magpahigayon sila ang seminars sa mga estudyante kalabot sa Republic 7610 o Special Protection of Children Against Child Abuse, Exploitation and Discrimination Act, Juvenile Justice and Welfare Act ingon man Anti-Hazing law.
