DAVAO CITY – Mireklamo ang grupo sa mga private trash haulers ug recyclers kalabot sa gidugang nga tipping fee sa sanitary landfill.
Sumala pa kang Andre Bucu sa ABB Scrap Green Solutions, ang P3 matag kilo nga tipping fee nga pinasikad sa Revised Revenue Code of 2017 ang sobra lamang sumala pa kataas ug dili makasustenir sa ilang operasyon.
Nasayran nga ang private trash haulers ang una ng gikomisyon sa lokal nga panggamhanan aron mangolekta ug basura gikan sa mga pribadong subdivision, shopping malls, ug uban pang commercial establishments.
Gireklamo sab sa mga nahisgutan nga wala sumala pay gihimong konsultasyon ngadto sa mga small trash haulers ayha gipatuman nga increase.
Una ng miduso ug petisyon ang mga haulers ang City Council nga kunhuran ang bayad o bag-ohon ang payment arrangement ngadto sa binulan o per-kilo basis.
Samtang gikanayon sab ni Virginia Pusod, City Environment and Natural Resources Office (Cenro) Industrial Waste Management head, nga sa milabay nga 2017 Revenue Code, gipatuman ang P3.00 tipping fee sa matag tulo ka cubic meters sa makolekta nga basura.
Sa milabay nga semana nga public hearing, gipangunahan kini sa committee on finance diin gisugyot niini nga kunhuran ang tipping fee ngadto sa P1.00.
Nasayran nga ang Davao City nakakolekta ug 870 tons sa basura matag adlaw diin 600 tons niini ang modiretso sa sanitary landfill.
