DAVAO CITY – Buhi-an na sa San Pedro Police Station ang binilanggo nga misulay sa pagkutlo sa iyang kinabuhi kaganinang kaadlawon.
Nasayran kang San Pedro Police Station Commander Police Chief Inspector Ramil Macarampat ilang buhi-an si Alvin Almario, 26 anyos, gumikan kay wala’y mipasaka ug kaso batok ngadto kaniya.
Gidakop si Almario gumikan sa reklamo nga nangawat kini.
Alas 2:45 kaganinang kaadlawon nabutang sa pelegro ang kinabuhi sa binilanggo human nga nawad-an kiini ug panimout di9hang gihigtan niya ug wire sa electric fan ang iyang liog.
Naluwas lamang siya sa mga paramedics sa Rescue 911.
Sumala sa mga kaubanang binilanggo nga gibati ni Almario nga gipasagdan na lamang siya sa iyang mga kabanay hinongdan nga halos matag gabii kini nga gahilak, gumikan kay wala na kini duawa sa iyang asawa ug mga ginikanan hangtud na nakahukom sa pagkutlo sa kinabuhi niini kagan inang kaadlawon.
