DAVAO CITY – Mas gipalig-on sa lokal nga kagamhanan sa dakbayan sa dabaw ang preventive measures niini batok sa Avian Influenza o bird flu uban sa pagpagawas ug direktiba nga nag-dili sa pagpasulod sa mga live birds ug buy products niini gikan sa mga infected areas lakip na ang pagpahimutang ug dugang mga checkpoints sa tanang entry ug exit points sa dakbayan sa dabaw.
GIkanayon ni City Veterinarian Dr. Cerelyn Pinili nga atol sa usaka meeting tali sa Department of Agriculture (DA) nakompirma nga adunay gikareport nga mga kaso sa avian flu have sa silingan nga mga probensiya sa South Cotabato, North Cotabato, ug sa lungsod sa Magsaysay sa Davao Del Sur.
Dugang pa ni Pinili nga gi-classified ang dakbayan sa dabaw ilalom sa stage 1 o ang Avian Influenza-free area, diin ang lokal nga kagamhanan kinahanglan nga mopalig-on pa sa mga pamaagi sa pagsulod sa mga live birds ug by-products niini.
Gibutyag pa ni Pinili nga gihimo nila ang tanan aron masiguro nga ang dakbayan sa Dabaw magpabilin nga Avian Influenza-free pinaagi sa pagbutang ug dugang pang mga checkpoints.
Sa karon ang dakbayan sa dabaw ang adunay kinatibuk-ang 15 ka mga quarantine checkpoints gumikan nan usba sa dagtanang mga bypass roads.
Ang katukuran sa mga checkpoints sa tanang mga entry ug exit points ang adunay koordinasyon tali sa Philippine Army, Davao City Police Office, ug sa Task Force Davao.
Sumala ni Pinili, gimugna ang Executive Order 19 Series of 2022 nga nagmando alang sa temporaryo nga pag-dili sa pagpasulod sa tanang mga live domestic ug nadakpang mga wild birds, mga produkto ug mga by-products niini lakip na ang usaka adlaw pa lamang nga piso, mga itlog, mga similya, pataba, ug mga balahibo gikan sa Luzon ug uban pang mga dapit nga adunay reported cases sa Avian Influenza aron masiguro ang usaka uniform policy sa pagsulod sa mga langgan sa syudad.
Nanawagan usab si Pinili sa publiko nga makig-alayon ug motabang aron mapabilin ang Davao City isip Avian-Influenza-free.
Samtang, gihangyo usab ni Pinili ang pali-ob ug ang kooperasyon sa mga shippers labot sa producers sa mga checkpoints gumikan kay nagtumong kini aron masiguro ang pagtuman sa mga required documents atol sa pagsulod sa syudad.
